Heroi

Un heroi^[1] u heroe^[2] (en feminín, una heroína^[1]) ye una persona qui sobresale d'a meya por as suyas caracteristicas morals, por un regular relativas a la valua. Tamién se fa servir pa referir-se a los protagonistas de cualsiquier ficción.

En o suyo orichen, un heroi yera o personache d'a mitolochía griega que sin estar un dios (y por tanto immortal), yera capable de fer prodichios y actividats fuera de l'abasto humán ordinario. Los herois estioron dimpués o centro d'a epopeya y d'a canción de chesta medieval. L'heroi destaca por as suyas aptituz guerreras, pero con o paso d'o tiempo tamién se troba herois amorososos u humanitarios (os santos cristianos son os continadors relichiosos d'os herois).

En o mundo d'a historieta u comic o concepto d'heroi ha evolucionau enta o superheroi.

1. ↑ ^{1,0 1,1} (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
2. ↑ (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003 p 44. Se documenta a pronunciación plana d'esta parola en benasqués.